Dubayda 550 milyon dollar dəyərində yeni kompleks inşa ediləcək
Birləşmiş Ərəb Əmirliklərinin (BƏƏ) Dubay əmirliyinin sakinləri və turistlər üçün yeni böyük kompleksin tikintisi planlaşdırılır.
NUHÇIXAN "Prime"a istinadən xəbər verir ki, layihənin dəyəri 2 milyard BƏƏ dirhəmi (təxminən 545 milyon dollar) təşkil edəcək.
"Dubai Therms" adlı layihədə su-sağlamlıq kompleksi, akvapark və dünyanın ən böyük qapalı botanika bağının yerləşəcəyi nəzərdə tutulur.
Dubayın mərkəzində “Zaabel” parkında yerləşəcək obyektin tikintisinin 2028-ci ildə başa çatdırılması planlaşdırılır. Yeni kompleks ildə 1,7 milyon ziyarətçi qəbul edə biləcək.