Paşinyan məhkəmə sistemində və güc strukturlarında dəyişikliklər etmək niyyətindədir
Ermənistanın baş naziri Nikol Paşinyan yaxın gələcəkdə respublikanın məhkəmə-hüquq sistemində və güc strukturlarında ciddi dəyişikliklər etmək niyyətindədir.
NUHÇIXAN xəbər verir ki, bu barədə Ermənistan KİV-i hakim “Mülki müqavilə” partiyasına yaxın mənbələrə istinadən məlumat yayıb.
Paşinyanın dünən ədliyyə naziri Srbui Qalyan başda olmaqla hüquq sahəsinin bütün nümayəndələrinin iştirakı ilə 2022-2026-cı illər üçün məhkəmə-hüquq sistemində islahatlara həsr olunmuş müşavirə keçirməsinin səbəblərindən biri də budur.
“Paşinyanın əsas narazılığı məhkəmə işlərinin uzun sürən araşdırılması ilə bağlı olub. Onun fikrincə, bu, hakimiyyət orqanlarının nüfuzdan düşməsinə səbəb olur. Paşinyan yeni naziri bu məsələni tez bir zamanda həll etməyə çağırıb.”, - mənbə bildirib.