Ermənistandakı uşaqların acınacaqlı həyatı - FOTOLAR

A- A A+

NUHÇIXAN xəbər verir ki, Ermənistanın sputnik.am saytı bu ölkənin Naxçıvanla sərhəddə yerləşən və tamamilə boşalmaq  təhlükəsi ilə üz-üzə qalan Dastakert (keçmiş  adı-Dəstəyurd)  kəndinin uşaqlarının həyatından  foto reportaj hazırlayıb. Məqalə “Dastakertin uşaqları: kabus şəhərin təbəssümü” adlanır.  Bir qış günündə burada yaşayan insanların acınacaqlı həyatı fotokameranın obyektivində daha miskin görünür. Çirkli  küçələrdə oynayan kasıb görünüşlü uşaqların üst-başı palçığa batıb. Hiss olunur ki, sınıq-salxaq eyvanlardan baxan yeniyetmələr  oynamaq üçün bir yer və məşğuliyyət  tapa bilmir. İşğalçı ölkənin gələcəyi olan bu uşaqlar  kamera qarşısında  gülümsəsələr də yaşadıqları yoxsul  mühit, nimdaş evlər  Ermənistanın bugünkü reallığının əsl mənzərəsini əks etdirir.  

Məqalə müəllifi yazır ki, bir zaman bu şəhərdə minlərlə insan yaşayıb. Amma Ermənistanın çökməkdə olan iqtisadiyyatı buradan da yan keçməyib. İndi isə sakinlərin  sayı cəmi 300 nəfərdir. “Bizim obyektivə isə yalnız gülümsəməkdən başqa heç nəyi olmayan ümidsiz uşaqlar tuş gəldi. Bu şəhərdə  heç bir müəssisə və mağaza  yoxdur.  Sakinlər ancaq ev heyvanı, arı saxlayır və dərman bitkiləri yığmaqla güzəran keçirirlər. Ən yaxın kiçik bir mağaza 12 km aralıda yerləşən kənddədir. Daha böyüyü isə 20 kilometr məsafədə-Sisiandadır. Dastakertə nə bir avtobus, nə də hansısa bir marşrut gedir”- deyə yazıda bildirilir.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: