Moskva məktəblərindən birində fişəng partlayıb, doqquz uşaq xəsarət alıb

Rusiyanın Moskva vilayətində məktəbdə fişəngin partlaması nəticəsində doqquz uşaq xəsarət alıb.

NUHÇIXAN TASS-a istinadən xəbər verir ki, bu barədə vilayətin Təhsil Nazirliyindən bildirilib.

Məlumata görə, bir qız xəstəxanaya yerləşdirilib.

"Aprelin 2-də 5-ci sinif şagirdi rus dili dərsində sinif yoldaşının çantasına içində müəyyən kimyəvi qarışığın olduğu fişəng atıb, nəticədə partlayış baş verib. Özünü pis hiss edən doqquz uşağa tibbi yardım göstərilib, valideynlərinə məlumat verilib, təcili yardım və polis çağırılıb. Şagirdlərdən biri İstra Klinik Xəstəxanasına yerləşdirilib", - agentliyin müsahibi bildirib.