Ermənistanda hərbi xidmətdən yayınmaya görə cəzalar sərtləşdirilə bilər
Ermənistanda hərbi xidmətdən və təlim toplanışlarından yayınmaya görə cəzaların sərtləşdirilməsi planlaşdırılır.
NUHÇIXAN Ermənistan KİV-ə istinadən xəbər verir ki, Cinayət Məcəlləsinə müvafiq dəyişikliklərin layihəsi hökumətin iclasında təsdiqlənib.
Çağırışdan yayınmaya görə həbs müddətinin 2-5 ildən 3-6 ilə qədər artırılması, təlim toplanışlarından yayınmaya görə isə 1 ildən 3 ilə qədər (hazırda 2 ilə qədərdir) müəyyən edilməsi təklif olunur.
Ədliyyə Nazirliyinin hazırladığı qanun layihəsi baxılmaq üçün parlamentə təqdim ediləcək.