Sudanda 400 min insan düşərgəni tərk etmək məcburiyyətində qalıb

Sudanın qərbindəki Şimali Darfur əyalətində 400 minə qədər insan "Zəmzəm" qaçqın düşərgəsi Çevik Reaksiya Qüvvələri tərəfindən nəzarət altına alındıqdan sonra oranı tərk etmək məcburiyyətində qalıb.

NUHÇIXAN xəbər verir ki, bu barədə Qərb mediası Beynəlxalq Miqrasiya Təşkilatına istinadən xəbər verir.

Qeyd edək ki, Çevik Reaksiya Qüvvələri düşərgəni bir gün əvvəl dörd gün davam edən döyüşlərdən "Sudan Silahlı Qüvvələrinin müttəfiq qrupları" tərəfindən istifadə bəhanəsi ilə ələ keçirdi.

BMT öz növbəsində bildirib ki, ilkin məlumatlara görə, ötən cümə və şənbə günləri "Zəmzəm" və "Əbu-Şuk" düşərgələrində, eləcə də Şimali Darfur əyalətinin inzibati mərkəzi olan əl-Faşir şəhərində hərbi əməliyyatlar 300-dən çox mülki şəxsin həyatına son qoyub. Hərbi əməliyyatlar başlamazdan əvvəl "Zəmzəm" düşərgəsində 500 minə qədər insan yaşayırdı, son nəticədə onların sayı iki dəfə arta bilər.

Əl-Faşir bölgədəki Sudan Ordusunun son qalası olaraq qalır.

15 aprel 2023-cü ildən bəri Sudanda hərbçilərlə Çevik Reaksiya Qüvvələri arasında silahlı qarşıdurma davam edir. Ölənlərin dəqiq sayı məlum deyil. 12 milyon insan evlərini tərk etməli olub.