İran XİN sözçüsü: ABŞ ilə növbəti danışıqlar da Omanda keçiriləcək

ABŞ ilə İran arasında növbəti birbaşa olmayan danışıqlar Omanın paytaxtı Maskatda keçiriləcək.

NUHÇIXAN “Mehr” agentliyinə istinadən xəbər verir ki, bunu İran Xarici İşlər Nazirliyinin sözçüsü İsmayıl Bəqai aprelin 21-də keçirdiyi brifinqdə deyib.

Onun sözlərinə görə, danışıqlar nüvə məsələləri və sanksiyaların ləğvinə həsr ediləcək.

İ.Bəqai bildirib ki, BMT Təhlükəsizlik Şurasının iki mühüm üzvü, Çin və Rusiya, eləcə də İranın mühüm dostları və tərəfdaşlarıdır: “Onlar həmişə müzakirələrdə iştirak ediblər”.

Məlumata görə, növbəti, üçüncü görüş aprelin 26-da keçiriləcək. Birinci görüş aprelin 12-də Omanda, ikincisi isə aprelin 19-da Romada keçirilib.