Ermənistanda çağırış yaşında olanlara hərbi xidmətdən azad olmaq imkanı verən qanun qəbul olunub

Ermənistan hökuməti çağırış yaşında olan insanlara hərbi xidmətdən azad olmaq imkanı verən qanun layihəsini təsdiqləyib.

NUHÇIXAN-ın erməni mediasına istinadən məlumatına görə, xidmətdən (minimum kurs) imtina üçün bir aylıq 24 milyon dram (təxminən 62 min dollar), dörd aylıq xidmət üçün (yalnız təlim hissəsində) - 18 milyon dram (təxminən 46 min dollar) ödəmək lazım olacaq.

Müdafiə naziri Suren Papikyan qeyd edib ki, qısaldılmış xidmətdən sonra da bu vətəndaşlar ehtiyatda olan əsgərlər kimi qeydiyyata alınacaqlar. Hökumət belə ödənişlərlə xidmətə qəbul edilən vətəndaşların sayını Müdafiə Nazirliyinin ehtiyaclarına uyğun olaraq məhdudlaşdıra biləcək.

Bundan əlavə, 16 yaşına qədər Ermənistan vətəndaşlığından çıxmaq üçün 15 milyon dram (39 min dollar) rüsum təyin ediləcək, çağırışaqədərki və ya çağırış yaşında vətəndaşlıq almış xarici vətəndaşlar üçün isə 12 aylıq xidmət müddəti və ya 2,5 milyon dram (6 min dollardan çox) rüsum ödənişi müəyyən ediləcək.

S.Papikyan qeyd edib ki, bu vəsaitlər xüsusilə "Vətən müdafiəçisi" proqramı çərçivəsində 5 illik xidmət keçən müddətdən artıq xidmət edən əsgərlərə ödənişlər üçün istifadə olunacaq. 24 milyon dram (61 min dollardan çox) məbləğində hər bir ödəniş iki belə hərbi qulluqçunun xidmətini ödəməyə imkan verəcək.

Əlavə olaraq, çağırış xidmətinin maksimum yaş həddinin 27-dən 32-yə qaldırılması təklif olunur ki, xidmətdən azad olmadan yalnız həqiqi elmi işçilər (aspiranturanı bitirən və namizədlik dissertasiyasını müdafiə edən və bundan sonra elmi fəaliyyətlə məşğul olanlar) istifadə edə bilsinlər, saxta olanlar yox.

Öz növbəsində təhsil, elm, mədəniyyət və idman naziri Janna Andreasyan qeyd edib ki, xarici universitetlərdə təhsil üçün möhlət alan vətəndaşlar üçün Ermənistanın dövlət sektorunda müəyyən müddət işləmək öhdəliyi də 32 yaşa bağlanacaq.