Tramp: İsraili sakitləşdirməli olacağam

ABŞ Prezidenti Donald Tramp İranla atəşkəs elan edildikdən sonra İsrailin hərəkətlərindən narazılığını bildirib və Təl-Əvivi "sakitləşdirməli" olacağını etiraf edib.

NUHÇIXAN xəbər verir ki, bu barədə xarici KİV məlumat yayıb.

"İsrailin sakitləşməsinə ehtiyacımız var, çünki onlar bu səhər missiyaya çıxıblar. İndi İsrailin sakitləşməsi ilə məşğul olmalıyam. Siz elə ilk saatda malik olduğunuz hər şeyi onlara atmağa başlamırsınız. Bu mənim xoşuma gəlmir... Amma İsrailin bəlkə də səhvən atılan, hətta gəlib çatmayan bir raketə görə səhər yenidən zərbələr endirməyə başlamasından xüsusilə narazıyam", - o vurğulayıb.