Fransada teleradioların əməkdaşları tətil edirlər, yayımlar dayandırılıb

“Radio France” milli teleradiosunun əməkdaşları müddətsiz tətilə başlayıblar.

NUHÇIXAN xəbər verir ki, “Radio France” radio qrupu adi proqramları yayımlamağı dayandırıb. Qrupun bütün işçilərindən efiri tərk etmələri xahiş olunub. Buna səbəb “France Televisions”, “Radio France” və “INA” kimi televiziya kanalları və radioların birləşdirilməsinə yönəlmiş ictimai yayımda təklif olunan islahatlara etirazdır. Qrupun işçiləri həmçinin, büdcənin azaldılmasına və “Radio Mouv”un bağlanmasına qarşıdırlar.

Tətilçilər “Radio France”, “France Televisions” və “INA”nın gələcəkdə "France Médias" adlanacaq və vahid baş direktorun səlahiyyətində olacaq holdinq şirkəti çərçivəsində təklif olunan birləşməsini pisləyirlər. Həmkarlar ittifaqları üçün ictimai yayım şirkətlərinin birləşməsi işçilərin gələcəyi və informasiyanın müstəqilliyi üçün son dərəcə təhlükəli hesab olunur.

“Radio France” (CFDT, CGT, FO, SNJ, Sud və Unsa) həmkarlar ittifaqlarının ictimai yayım islahatına qarşı başaladığı tətil çağırışı ilə əlaqədar radiostansiyalar və “Kanal 16” öz proqramlarını tam həcmdə yayımlaya bilmirlər.