Rusiyada göyərtəsində beş nəfərin olduğu Mi-8 helikopteri radarlardan itib
Rusiyanın şərqində göyərtəsində üç ekipaj üzvü və iki texniki heyətin olduğu Mi-8 helikopteri radarlardan itib.
NUHÇIXAN-ın məlumatına görə, bu barədə REN TV-dəki mənbə məlumat verib.
Qeyd olunur ki, hava gəmisi "Vzlet" şirkətinə məxsusdur.
Bildirilib ki, helikopter Xabarovsk diyarındakı Oxotsk qəsəbəsindən Maqadana uçurmuş.
Mənbə qeyd edib ki, Maqadan tərəfindən helikopteri axtarmaq üçün An-26, Oxotsk tərəfindən isə başqa bir Mi-8 göndərilib.