Türkiyənin 15 vilayətində havanın temperaturu 44 dərəcədən çox olub
İyulun 23-də Türkiyənin 15 vilayətində havanın temperaturu 44 dərəcəni keçib. Çərşənbə günü termometrlər Siirt vilayətinin cənub-şərqindəki Kurtulan bölgəsində maksimal temperatur - 47 dərəcə Selsini göstərib.
NUHÇIXAN bu barədə Türkiyə Meteorologiya Baş idarəsinin son günlər temperatur rejiminin mövsümi normadan artıq olduğunu qeyd edən məlumatlarına istinadla xəbər verir.
Cənub-Şərqi Anadolu ilə yanaşı, şiddətli istilər Egey bölgəsində də davam edir. Burada yerli hakimiyyət orqanları yaşlı vətəndaşları və uşaqları saat 11:00-16:00 arasında küçəyə çıxmamağa çağırıb, əhaliyə bol su içməyi tövsiyə edib.
Rekord səviyyədə istilər fonunda ekspertlər iqlim dəyişikliyinin təsirləri ilə əlaqədar Türkiyədə bir sıra bitkilərin məhsuldarlığının azalacağını proqnozlaşdırırlar.