Paşinyan: Bayden administrasiyasının işindən razı deyildik

ABŞ dövlət katibinin keçmiş köməkçisi Ceyms O'Brayen öz çatışmazlıqlarını Ermənistanın üzərinə atmağa çalışmamalıdır.

NUHÇIXAN-ın erməni KİV-inə istinadən verdiyi məlumata görə, bunu Ermənistanın Baş naziri Nikol Paşinyan brifinq zamanı bildirib.

Onun sözlərinə görə, O'Brayen ABŞ Prezidenti Donald Trampın administrasiyasının əvvəlki ABŞ hakimiyyətinin edə bilmədiyini necə həyata keçirdiyini izah etmək vəzifəsi ilə üzləşir.

"Biz ABŞ administrasiyasının regionumuzda sülh gündəliyinin dəstəklənməsi baxımından işindən razı deyildik. O'Brayenin geosiyasi incəlikləri qavramaq qabiliyyətinin olmaması onun Dövlət Departamentində qalmasına imkan vermədi. Buna görə də onun emosional qiymətləndirmələrini şərh etmək niyyətində deyiləm", - N.Paşinyan hesab edir.

Daha əvvəl O'Brayen bildirib ki, Vaşinqtonda imzalanmış ABŞ, Azərbaycan və Ermənistan liderləri arasında bəyannamə İrəvana hər hansı əhəmiyyətli sülh dividendləri verməyəcək.