Avropa İttifaqının hərbi xərcləri rekord həddə çata bilər
Bu il Avropa İttifaqının (Aİ) hərbi xərcləri 381 milyard avroya çatdıraraq tarixi rekorda imza atması mümkündür.
NUHÇIXAN xəbər verir ki, bu barədə Aİ-nin müdafiə məsələləri üzrə ixtisaslaşmış qurumu olan Avropa Müdafiə Agentliyi (AMA) məlumat yayıb.
Bildirilib ki, 2024-cü ildə bu xərclər 343 milyard avro olub ki, bu da əvvəlki illərlə müqayisədə xeyli yüksəkdir.
AMA-nın sədri, Aİ-nin baş diplomatı Kaya Kallas bəyan edib ki, Avropa vətəndaşlarının təhlükəsizliyini təmin etmək üçün müdafiəyə rekord məbləğdə vəsait ayırır və bu yolda dayanmayacaq.
Qeyd edək ki, Aİ-nin əsas hərbi gücü olan Fransa bu prosesin önündə gedir. 2027-ci ilə qədər bu ölkənin müdafiə büdcəsi 64 milyard avroya çatacaq. Fransa Amerika Birləşmiş Ştatlarının hərbi texnologiyasından asılılığın azaldılmasını və Aİ-nin ortaq müdafiə sənayesinin qurulmasını da dəstəkləyir.