Sentyabrın 20-də Ermənistanın hakim partiyasının qurultayı keçiriləcək

Sentyabrın 20-də Ermənistanın hakim "Vətəndaş müqaviləsi" partiyasının yeddinci qurultayı keçiriləcək.

NUHÇIXAN Ermənistan KİV-inə istinadən xəbər verir ki, bu barədə Baş nazir Nikol Paşinyan sosial şəbəkələrdə yazıb.

"Qurultaya hazırlaşırıq", - baş nazir bildirib.

Qurultayın gündəliyinə daxil olan əsas məsələlərdən biri partiyanın yeni proqramının qəbul edilməsi ilə bağlıdır.

N.Paşinyan həmçinin sosial şəbəkədə partiyanın nizamnaməsinin yeni redaksiyasının layihəsini, yeni proqramın layihəsini və qurultayın gündəliyini dərc edib.