Sudanda məscidə PUA zərbəsi nəticəsində ölənlərin sayı 78-ə çatıb

Sudanın Əl-Faşir şəhərində məscidə pilotsuz uçuş aparatının (PUA) endirdiyi zərbə nəticəsində ölənlərin sayı 78-ə çatıb.

NUHÇIXAN-ın BBC-yə istinadən verdiyi məlumata görə, hadisədə hərbiləşdirilmiş Çevik Dəstək Qüvvələri günahlandırılır, lakin qruplaşma hadisəyə görə məsuliyyəti öz üzərinə götürməyib.

Çevik Dəstək Qüvvələri və Sudan ordusu artıq iki ildən çoxdur vətəndaş müharibəsi aparır.

Mənbələr 78 nəfərin öldüyünü və təxminən 20 nəfərin yaralandığını bildirib. Qeyd edilib ki, dağıntılar altından meyitlərin çıxarılması prosesi davam edir.