Vyetnamın lideri Şimali Koreyaya səfər edəcək
Vyetnam Kommunist Partiyasının Mərkəzi Komitəsinin Baş katibi To Lam Koreya Xalq Demokratik Respublikasının (KXDR) lideri Kim Çen Inın dəvəti ilə oktyabrın 9-da bu ölkəyə üçgünlük səfər edəcək.
NUHÇIXAN Vyetnam mediasına istinadla xəbər verir ki, səfərin məqsədi Koreya Fəhlə Partiyasının yaradılmasının 80-ci ildönümü tədbirlərində iştirakdır. Əsas yubiley tədbirlərinin oktyabrın 10-da keçirilməsi nəzərdə tutulub. Bu, Vyetnam liderinin son 18 illik fasilədən sonra Şimali Koreyaya ilk səfəridir. İki ölkə 1950-ci ildə diplomatik münasibətlər qurandan bəri sıx münasibətlər saxlayır.
Qeyd edək ki, Koreya Fəhlə Partiyasının 80-ci ildönümü münasibətilə irimiqyaslı tədbirlərin, o cümlədən hərbi paradın keçiriləcəyi gözlənilir.