Tramp BBC-ni məhkəməyə verəcək

ABŞ Prezidenti Donald Tramp BBC-nin “Panorama” proqramının onun çıxışlarından birini dəyişdirdiyini bildirərək, kanala qarşı 5 milyard dollar məbləğində iddia qaldıracağını açıqlayıb.

NUHÇIXAN “The Telegraph” qəzetinə istinadla xəbər verir ki, D.Tramp iddianın gələn həftə rəsmi olaraq təqdim ediləcəyini deyib və məbləğin 1 milyard ilə 5 milyard dollar arasında olacağını qeyd edib.

“Düşünürəm ki, bunu etməliyəm,” – deyə Tramp bildirib.

ABŞ Prezidenti əlavə edib ki, hadisə nəticəsində Böyük Britaniyanın Baş naziri Kir Starmer ona çox utandığını deyib və Tramp həftəsonu bu məsələ ilə bağlı Baş nazir ilə danışacağını vurğulayıb.

BBC cümə axşamı Trampdan üzr istəyib və montajı səhv qərar adlandırıb. Hadisə BBC-ni son onilliklərin ən ciddi böhranı ilə üz-üzə qoyub, iki yüksək vəzifəli rəhbərin istefasına və quruma siyasi təzyiqlərin artmasına səbəb olub.