Hava məkanı PUA-lar tərəfindən pozulan Rumıniya qırıcı təyyarələri səmaya qaldırıb
Noyabrın 19-da Rumıniya sərhədinin yaxınlığındakı Ukrayna infrastrukturuna Rusiyanın PUA hücumu baş verib.
NUHÇIXAN Rumıniya Müdafiə Nazirliyinin məlumatına istinadla xəbər verir ki, bu hücumla əlaqədar rumın ordusu qırıcı təyyarələrini havaya qaldırıb.
“Reuters” agentliyinin məlumatına görə, Rusiya Dunay çayının o tayında Ukraynanın liman infrastrukturuna hücum edərkən, dronların fraqmentləri dəfələrlə Rumıniyanın Ukrayna ilə 650 kilometrlik sərhədində yerləşən ərazisinə düşüb.
Nazirlik bildirib ki, radar əvvəlcə dronun siqnalını Tulçaya qraflığındakı Periprava və Çilia Veçe kəndləri yaxınlığında milli hava məkanından 8 kilometr kənarda aşkar edib.
Rumıniya ordusunun sözçüsü bildirib ki, dronun siqnalı radardan itib və daha sonra Qalasi qraflığındakı kəndlər yaxınlığında 12 dəqiqə ərzində vaxtaşırı yenidən peyda olub. Bu zaman Rumıniya Almaniyanın hava müdafiə missiyalarının bir hissəsi olan iki “Eurofighter” qırıcı təyyarəsini və daha sonra iki F-16 qırıcı təyyarəsini havaya qaldıraraq cənub-şərqi Tulçaya və Qalasi qraflıqlarının sakinlərini sığınacaq tapmağa çağırıb.
Nazirlik əlavə edib ki, sonuncu dronların Rumıniya ərazisinə düşməsi barədə heç bir məlumat yoxdur.