Hindistan rupisi dünyanın ən zəif göstəricilərə malik valyutaları arasındadır
Amerika Birləşmiş Ştatları (ABŞ) tərəfindən tətbiq olunan tariflərdən Hindistan rupisi qədər heç bir valyuta zərər görməyib.
NUHÇIXAN “Reuters”ə istinadla xəbər verir ki, artan ticarət kəsiri, ABŞ-ın 50 faizlik cəzalandırıcı tarifləri və investisiya axınları səbəbindən rupi bu il dünyanın ən zəif göstəricilərə malik valyutaları arasındadır. Ekspertlər azalmaların davam etdiyini proqnozlaşdırırlar, çünki investorlar rəsmi Vaşinqtonla ticarət razılaşması əldə olunana qədər vəsaitlərini ölkədən çıxaracaqlar.
Hindistan rupisi dollara qarşı rekord səviyyədə - 6 faiz ucuzlaşaraq 1 dollar üçün 91,075 təşkil edib.
Bu il Hindistan səhmlərindən rekord səviyyədə - 18 milyard dollar çıxararaq valyutaya təzyiqi artıran aktiv menecerlərinin fikrincə, vəziyyətin tez bir zamanda dəyişməsi ehtimalı azdır.