Yaponiya milli süni intellekt modelinin hazırlanmasına 19 milyard dollar xərcləyəcək
Yaponiya hökuməti özəl sektorla birlikdə milli süni intellekt modelini yaratmaq üçün təxminən 3 trilyon yen (təxminən 19 milyard dollar) xərcləmək niyyətindədir.
NUHÇIXAN xəbər verir ki, bu barədə “Yomiuri” qəzeti məluma yayıb.
Birgə inkişafda “SoftBank” kimi nəhənglər də daxil olmaqla 10-dan çox yerli şirkət iştirak edəcək. Nəşrin məlumatına görə, hökumət xərclərin təxminən üçdə birini ödəmək, qalan hissəsini isə özəl firmalar tərəfindən investisiya yatırmaq niyyətindədir.
Yaponiyanın öz süni intellektinin inkişafına 2026-cı ildə başlanılması gözlənilir. Buraya qabaqcıl məlumat mərkəzlərinin tikintisi də daxil olacaq. Bu süni intellekt modelinin yerli istehsal robototexnikasında da istifadə edilməsi gözlənilir.