Çin ABŞ-ni nüvə tərk-silahı ilə bağlı nümunə olmağa çağırıb
ABŞ digər ölkələrin nüvə tərk-silahı üçün şərait yaratmalıdır.
NUHÇIXAN-ın "İnterfaks"a istinadən məlumatına görə, bu barədə Çin Xarici İşlər Nazirliyinin (XİN) nümayəndəsi Lin Tszyan bildirib.
"ABŞ böyük nüvə arsenalına malik ölkə olaraq nüvə tərk-silahında xüsusi məsuliyyət nümayiş etdirməlidir. Eyni zamanda, nüvə silahına sahib olan digər ölkələrin tərk-silah prosesinə qoşulması üçün şərait yaratmalıdır", - XİN nümayəndəsi qeyd edib.
L.Tszyan həmçinin qeyd edib ki, Çinin son zamanlarda 100-dən çox qitələrarası ballistik raketi yerləşdirməsi barədə Vaşinqtonun iddiaları qlobal sabitliyi sarsıdır və bu davranış ABŞ nüvə qüvvələrinin modernləşdirilməsi üçün bir bəhanədir.