İranda doqquz ayda dənizdə 611 nəfərin həyatı xilas edilib

İranda son doqquz ay ərzində aparılan dəniz axtarış və xilasetmə əməliyyatları nəticəsində 611 nəfərin həyatı xilas edilib.

NUHÇIXAN İranın İRNA informasiya agentliyinə istinadla xəbər verir ki, bu barədə İranın Limanlar və Dənizçilik Təşkilatının rəsmisi məlumat yayıb. Bildirilib ki, müxtəlif dəniz qəzaları zamanı insanların xilas edilməsi üçün ixtisaslaşmış avadanlıqlardan və xüsusi hazırlıq keçmiş qüvvələrdən istifadə olunub.

Qeyd edilib ki, mütəmadi olaraq keçirilən xilasetmə təlimlərinin əsas məqsədi dəniz təhlükəsizliyi səviyyəsinin daha da artırılmasıdır.