Ağ Ev: 35 dünya lideri Sülh Şurasına daxil olmaq niyyətindədir
Vaşinqton tərəfindən dəvət edilən təxminən 50 dünya liderindən 35-i ABŞ-ın təşəbbüsü olan Sülh Şurasına qoşulmaq niyyətini açıqlayıb.
NUHÇIXAN xəbər verir ki, bu barədə jurnalistlərə Prezident Donald Trampı Davos səfərində müşayiət edən Birləşmiş Ştatlar administrasiyasının yüksəkvəzifəli nümayəndəsi bildirib.
ABŞ liderinin mətbuat xidmətindən verilən məlumata görə, indiyədək təxminən 35 dünya lideri Sülh Şurasına daxil olmaq öhdəliyi götürüb.
Qeyd edək ki, Azərbaycan Prezidenti İlham Əliyev də Sülh Şurasına daxil olmağa razılıq verən dünya liderləri sırasındadır.