İndoneziyada Semeru vulkanı aktivləşib: 3 saatda 7 püskürmə
İndoneziyanın Yava adasının şərqində yerləşən Semeru vulkanı üç saat ərzində yeddi dəfə püskürüb, kül sütunu zirvədən təxminən 800 metrədək hündürlüyə qalxıb.
NUHÇIXAN İndoneziyanın Antara informasiya agentliyinə istinadla xəbər verir ki, vulkan səhər saatlarında püskürüb.
İndoneziya Vulkanologiya və Geoloji Təhlükələrin Azaldılması Mərkəzi (PVMBG) əhaliyə partlayış mərkəzindən 13 kilometr, həmçinin Besuk Kobokan çayının yaxınlığında, çay yatağından 500 metr aralıda qalmağı tövsiyə edib.