Yaponiyada dünyada ən böyük AES-nin fəaliyyəti bərpa edilib

“Tokyo Electric Power Co” şirkəti dünyanın ən böyük atom elektrik stansiyası olan Kaşivazaki-Kariva AES-nin 6 nömrəli reaktorunu yenidən işə salıb.

NUHÇIXAN Yaponiya mediasına istinadla xəbər verir ki, rektorun işə salınması yanvarın 20-nə planlaşdırlsa da, siqnalizasiya sistemindəki problemə görə təxirə salınmışdı. Stansiyanın yerləşdiyi Niiqata prefekturasının hələ noyabrda AES-nin qismən yenidən işə salınmasına icazə verib. Bu, Yaponiyanın nüvə sənayesini dirçəltmək və qazıntı yanacağı idxalını azaltmaq səylərinin bir hissəsidir. Kaşivazaki-Kariva AES-nin işə slaınması Fukuçima AES-də nüvə fəlakətindən təxminən 15 il sonra ölkənin nüvə enerjisinə qayıtmasında dönüş nöqtəsi hesab olunur.

Qeyd edək ki, paytaxt Tokiodan təxminən 220 kilometr şimal-qərbdə yerləşən Kaşivadzaki-Kariva atom elektrik stansiyası 2011-ci ildə baş verən Fukusima-Dayiçi AES-nin işini iflic edən zəlzələ və sunamidən sonra bağlanan 54 reaktor arasında idi. Baş nazir Sanae Takaiçi enerji təhlükəsizliyini gücləndirmək və Yaponiyanın elektrik enerjisi istehsalının 60-70 faizni təşkil edən idxal olunan enerjinin dəyərini ödəmək üçün atom elektrik stansiyalarının yenidən istismara buraxılmasını dəstəklədiyini bildirib. 2024-cü ildə Yaponiya mayeləşdirilmiş təbii qaz və kömür idxalına 68 milyard dollar xərcləyib ki, bu da ümumi idxal xərclərinin 10 faizi deməkdir.