Məsud Pezeşkian: İran nüvə silahı yaratmağa can atmır

İranın nüvə silahı hazırlamaq niyyəti yoxdur və Tehran bu baxımdan istənilən monitorinq tədbirlərini qəbul etməyə hazırdır.

NUHÇIXAN xəbər verir ki, İran Prezidenti Məsud Pezeşkian bunu İslam İnqilabının qələbəsinin 47-ci ildönümü münasibətilə xalqa müraciətində deyib.

“Biz dünyanın və xalqımızın qarşısında dürüstük. Nüvə silahı yaratmağa çalışmırıq. Bunu dəfələrlə bildirmişik və istənilən yoxlamalara da hazırıq. Lakin ABŞ və Avropanın ritorikası danışıqlara mane olur. İran onların tələblərinə, ədalətsizliyə və təcavüzə boyun əyməyəcək. Biz regionda sülh və əmin-amanlıq naminə qonşu ölkələrlə dialoq aparırıq”, - deyə dövlət başçısı bildirib.