Yeni Zelandiyadan Moskvaya yeni sanksiya zərbəsi: 100 gəmi, 13 şirkət və 23 şəxs siyahıya alındı
Yeni Zelandiyanın hakimiyyət orqanları Avropa İttifaqının ardınca Rusiya neftinə qiymət tavanını endirməklə Rusiyaya qarşı sanksiyaları genişləndirib.
NUHÇIXAN xəbər verir ki, bu barədə Yeni Zelandiyanın Xarici İşlər Nazirliyinin saytında dərc olunmuş bəyanatda deyilir.
Məlumata görə, Rusiya neftinin bareli üçün qiymət tavanı 47,6 dollardan 44,1 dollara endirilib. Sənəddə, həmçinin fevralın 20-də sanksiya siyahısına 23 şəxsin, 13 şirkətin və “kölgə donanması”na aid 100 gəminin əlavə edildiyi qeyd olunur.
Bu arada, Avropa İttifaqı tezliklə Rusiya neftinin daşınması xidmətlərini tamamilə qadağan etməyi planlaşdırır. Lakin bəzi üzv ölkələr indiyədək buna razılıq verməyib.