Türkiyənin fəlakət zonasından 160 sakin Şavkat Mirziyoyevin dəvəti ilə Özbəkistana yola düşüb
Türkiyənin cənubundakı Hatay vilayətindən olan 160 nəfərlik sakin Prezident Şavkat Mirziyoyevin dəvəti ilə Özbəkistana yola düşüb.
NUHÇIXAN xəbər verir ki, beş günlük istirahət proqramının iştirakçıları Özbəkistan liderinin tapşırığı ilə təşkil olunmuş xüsusi reyslə Andicana uçublar.
Aralarında yetimlərin də olduğu Hatay sakinlərini Andican hava limanında Özbəkistanın turizm nazirinin müavini Səncər Tacıyev, Andican vilayətinin qubernator müavini İsomiddin İsmanov və digər rəsmi şəxslər qarşılayıblar.
Ramazan və Novruz bayramları günlərində nümayəndə heyəti Andicanla yanaşı, Səmərqənd, Buxara və Xorəzmə də səfər edəcək.
Qeyd edək ki, 2023-cü ilin fevral zəlzələlərindən zərər çəkmiş sakinlər üçün Hatay vilayətinin Arsuz rayonunda Özbəkistan hökumətinin dəstəyi ilə 308 ev tikilib. Bu mənzillərin açarları cari ilin yanvar ayının sonunda Türkiyə vətəndaşlarına təqdim olunub.