Slovakiya xarici qeydiyyatlı avtomobillər üçün dizel yanacağının qiymətini qaldırıb

Slovakiya Maliyyə Nazirliyi son bir həftədə ikinci dəfə xarici qeydiyyatlı avtomobillər üçün dizel yanacağının qiymətini qaldırıb.

NUHÇIXAN xəbər verir ki, bu barədə “Pravda” xəbər portalı məlumat yayıb.

Slovakiyada xarici qeydiyyatlı avtomobillər üçün bir litr dizel yanacağının qiyməti aprelin 3-dən etibarən hər litrə görə 2,063 avro olaraq müəyyən ediləcək. Ölkədə xarici vətəndaşlar üçün artırılmış qiymət martın 23-ü - bazar ertəsi günü qüvvəyə minib. TASS-ın məlumatına görə, əvvəlcə hər litrə görə 1,826 avro təyin edilmişdi, dörd gün sonra qiymət 2,012 avroya qaldırılıb.

Bu arada, Slovakiya hakimiyyəti yerli sürücülər üçün dizel yanacağının orta qiymətini 1,70 avro səviyyəsində saxlayır. Bratislava bu yanaşmanı yerli bazarı qonşu ölkələrə nisbətən xeyli ucuz dizel yanacağı doldurmaq üçün əvvəllər ölkəyə səyahət edən xarici sürücülərdən qorumaq üçün bir yol kimi izah edir.

Slovakiya hökumətinin bu təşəbbüsü Avropa Komissiyasının tənqidinə səbəb olub. Avropa Komissiyası milliyyətə əsaslanan ikili qiymətqoyma təcrübəsini Avropa İttifaqında ayrı-seçkilik və qəbuledilməz addım adlandırıb. Slovakiya rəsmiləri isə Aİ-nin heç bir qaydalarının pozulmadığını iddia edirlər, çünki tədbir təşkilatın qaydaları ilə icazə verilən 30 gün müddətində qüvvədədir.