Böyük Britaniyaya fırtına yaxınlaşır
Böyük Britaniyada Pasxa tətili ərəfəsində hava şəraitinin kəskin dəyişəcəyi gözlənilir.
NUHÇIXAN “The Independent”ə istinadla xəbər verir ki, “Dave” adlı güclü fırtınanın şənbə günü ölkəyə çatacağı, bir sıra bölgələrdə güclü külək və qarla müşayiət olunacağı bildirilir.
Xəbərdarlıqlara əsasən, Şotlandiyada, Şimali İrlandiyada, eləcə də Uelsin və İngiltərənin şimal bölgələrində güclü külək əsəcək. Şotlandiyanın şimal bölgələrində güclü küləklə yanaşı, intensiv qarın da yağacağı proqnozlaşdırılır.