Media: Hindistan sərhədlərini ilan və timsahlarla qoruyacaq
Hindistanın Sərhəd Təhlükəsizliyi Qüvvələri sərhədyanı çaylarda ilan və timsahlardan istifadə imkanlarını araşdırır.
NUHÇIXAN xəbər verir ki, “The Hindu” qəzetinin məlumatına görə, burada söhbət Hindistan və Banqladeş sərhədində çaylar, bataqlıqlar və çətin relyefin ənənəvi maneələrin inşasına imkan vermədiyi çətin keçilən ərazilərdən gedir.
Hindistan Daxili İşlər Nazirliyinin məlumatına görə, ölkənin Banqladeşlə sərhədinin uzunluğu 4 min 900 kilometrdən çoxdur. Hökumət orqanları qanunsuz miqrantlarla mübarizə məqsədilə burada projektorlu sədlərin inşasına icazə verib. Lakin səddin böyük hissəsi artıq çəkilsə də, bəzi çətin keçilən yerlərə görə inşa işləri yarımçıq qalıb.