Rusiya və Səudiyyə Ərəbistanı arasında viza rejimi ləğv olunur
Rusiya və Səudiyyə Ərəbistanı arasında qarşılıqlı viza tələblərindən imtina haqqında saziş mayın 11-də qüvvəyə minəcək.
NUHÇIXAN xəbər verir ki, bu barədə məlumat yayan Rusiya Xarici İşlər Nazirliyi RF vətəndaşlarının bir təqvim ili ərzində davamlı olaraq və ya ümumilikdə 90 günə qədər Səudiyyə Ərəbistanına vizasız daxil ola və qala biləcəklərini qeyd edib.
Sazişə əsasən, vizasız rejim işləmək, təhsil almaq və ya daimi yaşayış hüququ istisna olmaqla, Krallığa səyahətə şamil edilir.
Rusiya Federasiyasına səfər edən Səudiyyə Ərəbistanı vətəndaşları üçün də oxşar şərtlər nəzərdə tutulub.