Səudiyyə Ərəbistanında gün ərzində 22 PUA və 11 ballistik raket zərərsizləşdirilib
Səudiyyə Ərəbistanı Krallığının hava hücumundan müdafiə sistemləri gün ərzində 22 pilotsuz uçuş aparatını (PUA) və 11 ballistik raketi məhv edib.
NUHÇIXAN yerli mediaya istinadla xəbər verir ki, bunu ölkənin Müdafiə Nazirliyinin sözçüsü general Türki əl-Maliki deyib.
Bildirilib ki, ballistik raketlərin dördü Şarqiyyə regionunda zərərsizləşdirilib. Zərərsizləşdirilmiş digər raketlərin mərmiləri isə enerji qurğularına dəyib. Hazırda dəymiş zərər qiymətləndirilir.