Qazaxıstanda meşə yanğınlarının izlənməsi üçün dronlardan istifadə olunur

Qazaxıstanın Pavlodar vilayətində meşə yanğınlarının qarşısını almaq üçün müasir nəzarət sistemləri və dronlar tətbiq edilib.

NUHÇIXAN Qazaxıstanın Kazinform informasiya agentliyinə istinadla xəbər verir ki, müşahidə kameraları vahid sistemə birləşdirilib, həmçinin yanğınların erkən aşkarlanması üçün 8 dron istifadəyə verilib. Bildirilib ki, gündəlik peyk və video nəzarəti aparılır, monitorinq təkcə regionu deyil, qonşu əraziləri də əhatə edir.

Həmçinin qeyd edilib ki, Bayanaul Milli Parkı əlavə kameralar quraşdıraraq nəzarət zonasını genişləndirir. Hava patrulu isə Kazaviaspas xidməti tərəfindən həyata keçirilir.