Qazaxıstanda əmək miqrantları üçün vahid verginin tətbiq edilməsi planlaşdırılır
Qazaxıstanda bu il sadələşdirilmiş məşğulluq prosedurlarının şamil olunmadığı əcnəbilər üçün vahid vergi rüsumunun tətbiq edilməsi nəzərdə tutulur.
NUHÇIXAN Qazaxıstan mediasına istinadən xəbər verir ki, bu barədə Qazaxıstanın əmək və sosial müdafiə naziri Askarbek Yertayev məlumat verib.
O bildirib ki, fiziki və hüquqi şəxslər üçün mövcud kvotaların birləşdirilməsi və vahid dərəcələrin müəyyən edilməsi təklif olunur. Rüsumu ödədikdən sonra əcnəbilər həm fiziki, həm də hüquqi şəxslərin yanında işləyə biləcəklər.