Koşta: Aİ Ukrayna üçün 90 milyard avroluq krediti blokdan çıxarıb

Avropa İttifaqı (Aİ) 2026-2027-ci illərdə maliyyə və hərbi dəstəyin təmin edilməsi üçün Ukraynaya 90 milyard avro məbləğində kreditin verilməsi prosedurlarını başa çatdırıb.

NUHÇIXAN-ın məlumatına görə, bu barədə Aİ Şurasının sədri Antonio Koşta "X" hesabında bildirib.

Koşta qeyd edib ki, Aİ həmçinin Rusiyaya qarşı 20-ci sanksiya paketini qəbul edib.

"Söz verildi və yerinə yetirildi. Ukrayna üçün 90 milyard avro məbləğində kredit blokdan çıxarılıb ki, bu da 2026-2027-ci illər üçün maliyyə və hərbi dəstəyi təmin edir. Bundan başqa, Rusiyanın müharibə aparmaq qabiliyyətinin azaldılmasına yönəlmiş 20-ci sanksiya paketi də qəbul edilib", - o yazıb.