ABŞ-də 75 gündən sonra Daxili Təhlükəsizlik Departamentinin maliyyələşməsi bərpa edilir
Uzunmüddətli şatdaundan sonra Nümayəndələr Palatası immiqrasiya nəzarəti əməliyyatları istisna olmaqla, Daxili Təhlükəsizlik Departamentinin böyük bir hissəsini maliyyələşdirməklə bağlı ikipartiyalı paketi təsdiqləyib.
NUHÇIXAN-ın məlumatına görə, sənəd imzalamaq üçün Prezident Donald Trampa göndərilib və bununla da tarixdə ən uzunmüddətli şatdauna son qoyulacaq.
Daha əvvəl Ağ Ev Nəqliyyat Təhlükəsizliyi Administrasiyasına və digər agentlik işçilərinə ödəmək üçün istifadə edilən müvəqqəti maliyyələşdirmənin tezliklə tükənəcəyini açıqlamışdı.
Qeyd edək ki, Daxili Təhlükəsizlik Departamenti 14 fevraldan bəri maliyyəsiz idi.