BƏƏ-də uzaqmənzilli sanitar aviasiya xidməti istifadəyə verilib
Artıq ağır vəziyyətdə olan pasiyentlərin BƏƏ-dən Avropaya, Asiyaya və digər regionlara reanimasiya təyyarəsi ilə daşınması mümkün olacaq. “Response Plus Medical” (RPM) şirkəti Əbu-Dabidə yerləşən “ICATT Response Plus” adlı “çarpayıdan çarpayıya” prinsipi əsasında fəaliyyət göstərən qlobal tibbi evakuasiya xidmətini istifadəyə verib.
NUHÇIXAN xarici mediaya istinadla xəbər verir ki, bu təşəbbüsün əsasını BƏƏ-nin 7400 kilometr uçuş məsafəsinə malik ilk ixtisaslaşmış uzaqmənzilli sanitar aviasiya təyyarəsi təşkil edir. Xidmət Əbu-Dabidə keçirilən “Make it in the Emirates 2026” tədbiri çərçivəsində təqdim olunub.
Bu genişlənmənin mərkəzində BƏƏ-nin ilk ixtisaslaşmış “Challenger 605” sanitar aviasiya təyyarəsi dayanır. Xüsusi olaraq hazırlanmış uçan intensiv terapiya bölməsi olan bu təyyarə eniş etmədən qitələrarası uçuşlar həyata keçirməyə qadirdir və ağır vəziyyətdə olan pasiyentləri tibbi yardımda fasilə yaranmadan Əbu-Dabidən Avropaya, Asiyaya və digər regionlara çatdıra bilir.