Nikol Paşinyan: Qarabağ bizim deyildi

Ermənistanın Baş naziri Nikol Paşinyan Sünyik bölgəsində Kornidzor kəndində ictimaiyyət nümayəndələri ilə görüşdə Qarabağla bağlı açıqlama verib.

NUHÇIXAN xəbər verir ki, o, ermənilərin Qarabağda torpaq itirmələri ilə bağlı səsləndirdikləri iddialara belə cavab verib: “Deyirlər ki, torpaq itirmişik. Bu torpaq necə bizim ola bilərdi? Zəhmət olmasa, izah edin, necə bizim idi? Mən ölüləri təhqir etmək istəmirəm. Lap tutaq ki, həmin ərazilər bir neçə generalın nəzarəti altında olub. Amma onlar harada buğda əkiblər? Biz orada mətbəə, uşaq bağçası, fabrik tikdikmi? Orada yaşayırdıq, yaşayış məntəqəmiz var idimi? Ora bizim deyildi”.