CENTCOM 10 Asiya ölkəsi ilə hərbi təlimlər keçirəcək
ABŞ Silahlı Qüvvələrinin Mərkəzi Komandanlığı (CENTCOM) iyun ayında Birləşmiş Ştatlar ərazisində təxminən 10 Mərkəzi və Cənubi Asiya ölkəsinin silahlı qüvvələrinin nümayəndələri ilə hərbi təlimlər keçirəcək.
NUHÇIXAN xəbər verir ki, bu barədə komandanlığın açıqlamasında deyilir.
“Gələn ay CENTCOM Mərkəzi və Cənubi Asiya ölkələrindən olan xarici tərəfdaşların iştirakı ilə “Regional Cooperation 2026” (Regional Əməkdaşlıq 2026) təlimləri keçirəcək. Təxminən 10 ölkənin hərbçiləri ABŞ-də təlim keçəcəklər”, - deyə komandanlığın saytındakı məlumatda bildirilir.
CENTCOM qeyd edib ki, təlimlərdə əsasən Mərkəzi və Cənubi Asiya ölkələrinin quru və daxili qoşunlarının nümayəndələri iştirak edəcək.