Xəbərdarlıq: 10 Afrika ölkəsində yüksək Ebola epidemiyası riski var
Konqo Demokratik Respublikasında və Uqandada baş verən son Ebola epidemiyası ilə bağlı 10 Afrika ölkəsi yüksək risk altındadır.
NUHÇIXAN xəbər verir ki, bu barədə Afrikanın Xəstəliklərə Nəzarət və Profilaktika Mərkəzi (Africa CDC) xəbərdarlıq edib.
Qurumun baş direktoru Jan Kaseya onlayn brifinqdə bildirib ki, yüksək riskli ölkələrə Cənubi Sudan, Ruanda, Keniya, Zambiya, Mərkəzi Afrika Respublikası, Tanzaniya, Efiopiya, Anqola, Konqo Respublikası və Burundi daxildir.
Afrika İttifaqının ixtisaslaşmış səhiyyə orqanının məlumatına görə, Konqo Demokratik Respublikası mayın 15-də Ebola epidemiyası elan etdikdən bəri, həm şübhəli, həm də təsdiqlənmiş hallar daxil olmaqla, ümumilikdə 745 yoluxma halı qeydə alınıb. Eyni zamanda, Ebola ilə əlaqəsi ehtimal olunan 176 ölüm hadisəsi baş verib.