Norveç neftçiləri tətilə hazırlaşırlar

Norveç dəniz neft və qaz işçilərinin təxminən 8 faizi hökumətin əməkhaqqı ilə bağlı vasitəçiliyinin uğursuz olacağı təqdirdə iyunun 5-də tətil etməyi planlaşdırır.

NUHÇIXAN xəbər verir ki, “Styrke”, “Lederne” və “Safe” həmkarlar ittifaqlarının işçiləri əməkhaqqının inflyasiya səviyyəsindən yuxarı artırılmasını və əmək müqavilələrində digər dəyişikliklər edilməsini tələb edirlər. Amma onlar hələlik tələblərinin təfərrüatlarını açıqlamayıblar.

“Reuters” agentliyinin məlumatına görə, Norveçin neft şirkətləri ilə üç həmkarlar ittifaqı arasında danışıqlarda bu ölkənin dəniz neft və qaz qurğularında çalışan işçilərin əksəriyyəti iştirak edir və razılıq əldə olunmaması hasilatın azaldılmasına səbəb ola bilər.

Norveç gündə 4 milyon bareldən çox neft ekvivalenti istehsal edir ki, bu da xam neft və təbii qaz arasında demək olar ki, bərabər bölünür və istehsalın istənilən azaldılması İranla müharibə səbəbindən Yaxın Şərqdə istehsal məhdudiyyətləri fonunda bazarlara təsir göstərə bilər.

Norveç Avropanın ən böyük təbii qaz təchizatçısıdır və qitənin illik istehlakının təxminən üçdəbirini və regionun neft tələbatının təqribən 15 faizini təmin edir.