Bir çox NATO ölkəsi müdafiə investisiyalarını 20 faiz artırıb

Bir çox NATO ölkəsi 2035-ci ilədək ÜDM-in 5 faizini müdafiə sahəsinə yatırmaq barədə Haaqa sammitində götürdükləri öhdəlikləri yerinə yetirib.

NUHÇIXAN xəbər verir ki, bunu NATO-nun Baş katibi Mark Rütte alyansın müdafiə nazirlərinin görüşü ərəfəsində keçirilən mətbuat konfransında deyib. “2025-ci ildə müdafiə investisiyalarında əhəmiyyətli artım müşahidə etdik. Avropa müttəfiqləri və Kanada əsas müdafiə investisiyalarını 90 milyard dollardan çox artırıblar. Bu, möhtəşəm rəqəmdir - bir ildə təxminən 20 faiz artım. 2026-cı il üçün daha bir artım planlaşdırılıb”, - deyə o bildirib.

Rüttenin sözlərinə görə, bu əhəmiyyətli investisiyalar real imkanlar yaradır. Avropalı müttəfiqlər və Kanada döyüş qabiliyyətini xeyli artıraraq təhlükəsizlik kontekstində daha çox məsuliyyət daşıyırlar.