Ukrayna müdafiə qüvvələri Moskva vilayətində kosmik rabitə mərkəzinə zərbə endirib

Ukrayna müdafiə qüvvələrinin bölmələri Moskva vilayətində kosmik rabitə mərkəzinə, pilotsuz təyyarələrin təlim poliqonuna və Rusiya logistika infrastrukturuna zərbələr endirib.

NUHÇIXAN xəbər verir ki, bu barədə Ukrayna Silahlı Qüvvələrinin Baş qərargahı “Facebook” səhifəsində məlumat verib. Qeyd olunub ki, iyunun 21-dən 22-sinə keçən gecə müdafiə qüvvələrinin bölmələri Rusiya hədəflərinə zərbələr endirib.

Moskva vilayətindəki “Dubna” kosmik rabitə mərkəzinə zərbə endirilib. Obyektdə geniş tüstülənmə müşahidə olunur. Zərərin dərəcəsi müəyyənləşdirilir.

Ukrayna qüvvələri, həmçinin Luqansk bölgəsindəki Debaltseve yaxınlığındakı PUA-ların təlim poliqonuna, eləcə də Donetsk bölgəsinin Mırnoqrad və Perestroyka ərazilərindəki dronların idarəetmə məntəqələrinə zərbələr endirib. Bundan əlavə, Belqorod bölgəsindəki İlyok-Penkovka ətrafındakı və Donetsk bölgəsindəki Pokrovsk yaxınlığındakı Rusiya komandanlıq və müşahidə məntəqələrinə zərbələr endirilib.

Rusiya ordusu üçün qoşunların hərəkəti və təchizat dəstəyi üçün istifadə edilən Zaporojye bölgəsindəki Vasilyevka yaxınlığındakı avtomobil körpüsünə də zərbə endirilib.

Əlavə məlumatların təhlili təsdiqləyib ki, iyunun 21-də Rusiyanın Krasnodar bölgəsindəki “Kavkaz” limanındakı infrastruktur və iki avtomobil bərəsi hücumlara məruz qalıb. Bu obyektlər Ukraynanın cənub bölgələrində Rusiya qoşunlarının təchizatı üçün istifadə olunur.