Venesuelada zəlzələ qurbanlarının sayı 3 mini ötüb

Venesuelada zəlzələ nəticəsində ölənlərin sayı 3342 nəfərə çatıb.

NUHÇIXAN xəbər verir ki, bu barədə Venesuela Milli Assambleyasının sədri Xorxe Rodrigez bildirib.

Məlumata görə, zəlzələ nəticəsində 16 740 nəfər zərər çəkib, 17 345 nəfər evsiz qalıb, 86 000-dən çox ailəyə yardım göstərilib.

Qeyd olunur ki, axtarış-xilasetmə əməliyyatları zamanı 6462 nəfər xilas edilib, 23 820 nəfər isə xəstəxanalarda müalicə alır. Dağıntılar nəticəsində 190 bina tamamilə uçub, 856 bina isə ciddi ziyan görüb.

Xatırladaq ki, iyunun 24-də Venesuelada 40 saniyə fasilə ilə 7,2 və 7,5 bal gücündə iki güclü zəlzələ qeydə alınıb.