Gürcüstan polisi külli miqdarda narkotik vasitəni müsadirə edib
Gürcüstanın Daxili İşlər Nazirliyinin Tbilisi Polis Departamentinin Köhnə Tbilisi Baş Bölməsinin əməkdaşları narkotik vasitələrin qanunsuz dövriyyəsinə qarşı xüsusi əməliyyat keçirib. Nəticədə xüsusilə külli miqdarda narkotik maddənin qanunsuz alınması, saxlanması və paylanmasına kömək etmək ittihamı ilə iki nəfəri həbs edilib.
NUHÇIXAN xəbər verir ki, bu barədə Gürcüstan DİN-in mətbuat xidməti məlumat yayıb.
Bildirilir ki, hüquq-mühafizə orqanlarının əməkdaşları istintaq zamanı təqsirləndirilən şəxslərin evlərindən, eləcə də müxtəlif yerlərdən, "Mefedron", "Tetrahidrokannabinol" və "Alfa-PVP" kimi satışa hazırlanmış külli miqdarda narkotik maddə müsadirə edib. Saxlanılan şəxsləri 20 ilə qədər və ya ömürlük həbs cəzası gözləyir.