Tramp: NATO sammiti Türkiyədə keçirilməsəydi, bəlkə də gəlməzdim
NATO məni çox böyük məyusluğa uğratdı. Əgər sammit Türkiyədə keçirilməsəydi, bəlkə də gəlməzdim.
NUHÇIXAN xəbər verir ki, bu sözləri ABŞ Prezidenti Donald Tramp Ankarada Türkiyə Prezidenti Rəcəb Tayyib Ərdoğanla görüş zamanı jurnalistlərin sualına cavabında deyib.
O bildirib ki, Türkiyə Prezidenti ilə arasında çox yaxşı münasibət mövcuddur.
“Güclü dostluq olmasaydı, bəlkə də bu Zirvəyə qatılmazdım. Türkiyəyə gəlmək bizim üçün çox yaxşı bir şeydir. Amma NATO tərəfdən bizə yaxşı davranılmadı. İranda əməliyyat etdik, amma yanımızda olmadıqlarını bəyan etdilər. Avropa ölkələrini qorumaq üçün trilyonlarla dollar maliyyə xərclədik. Biz hər zaman dəstək oluruq, amma bizə lazım olanda bunu görmürük”,- deyə Tramp əlavə edib.