Fransanın 72 departamentində isti hava səbəbindən narıncı təhlükə səviyyəsi elan edilib
Fransanın 72 departamentində anomal istilər səbəbindən narıncı təhlükə səviyyəsi elan edilib.
NUHÇIXAN xəbər verir ki, bu barədə "Franceinfo" radiostansiyası ölkənin meteorologiya xidmətinə istinadən məlumat yayıb.
Marsel-Marinyan (Buş-dü-Ron) meteorologiya stansiyasında ilk dəfə olaraq 40,5°C, Kane-an-Russilyonda 41,4°C, Setdə isə 41,0°C temperatur qeydə alınıb.
Avropa Meşə Yanğınları Məlumat Sisteminin (EFFIS) məlumatına görə, Fransada iyulun ilk səkkiz günündə təxminən 7 800 hektar ərazi yanıb.