Çində oyunların, hesabların və kriptovalyutanın miras qoyulmasına icazə verilib

Çində məhkəmə təcrübəsi kriptovalyuta, oyun hesabları, virtual əşyalar və sosial şəbəkələrdə hesablar da daxil olmaqla bir sıra rəqəmsal aktivlərin miras verilməsinə imkan yaradır. Belə yanaşma hüquq sistemini virtual aktivlərin çox vaxt əhəmiyyətli maddi dəyərə malik olduğu rəqəmsal iqtisadiyyatın reallıqlarına uyğunlaşdırmaq istəyini əks etdirir.

NUHÇIXAN  “Tom's Hardware” nəşrinə istinadla xəbər verir ki, nümunəvi hallardan biri oyundaxili əmlakın varisliyi ilə bağlı məhkəmə araşdırması olub. Oyunçu ölümündən bir müddət əvvəl onlayn oyun ortağına təxminən 7350 dollar dəyərində nadir bir virtual əsər vermək istədiyini bildirib. Lakin məhkəmə bu rəqəmsal aktivi irsi kütlənin bir hissəsi olaraq tanıyıb və mərhumun qanuni həyat yoldaşına verilməsi barədə hökm çıxarıb. Eyni zamanda, virtual yoldaşın oyun əşyasının alınmasına verdiyi töhfəni nəzərə alaraq, məhkəmə onun dəyərini iki qadın arasında bərabər bölmək qərarı verib.

Daha bir qərar 2024-cü ildə qəbul edilib. Çin Məhkəməsi mərhumun varislərinə təxminən 30 min dollar dəyərində bitkoinləri, habelə sosial şəbəkədəki hesabı təhvil verməyi tələb edib. Platforma adminstrasiyası istifadəçi sazişinə istinad edərək hesabın verilməsinə etiraz edib, çünki sazişə əsaslanan həmin hesab şirkətin mülkiyyəti olub.

Məhkəmə bu cür müddəaları istifadəçinin mülki hüquqlarına zidd hesab edib. Qeyd olunub ki, fərdi yazışmalar arxivi də daxil olmaqla, şəxsi məlumatlar miras qalmış əmlakın tərkibinə daxil deyil və məxfilik haqqında qanunvericiliyin qorunmasını ehtiva edir.

Başqa bir işdə məhkəmə onlayn oyun administrasiyasından ölən istifadəçinin anasına rəqəmsal aktivlərlə birlikdə oyun hesabının ötürülməsində kömək etməyi tələb edib.

“Tom’s Hardware”nın qeyd etdiyi kimi, bu yanaşma bütün ölkələrdə tətbiq edilmir. Xüsusilə, “Steam” rəqəmsal platforması satın alınan oyunların və ya hesabın miras yolu ilə verilməsini nəzərdə tutmur. ABŞ-də məhkəmələr istifadəçinin rəqəmsal oyun hüquqlarını miras alınmayan və sahibinin ölümündən sonra ləğv edən bir lisenziya kimi qəbul edirlər.